Шилегов ќе го продава градскиот пајтон и коњите
Објавено во: Македонија 12 Април, 2018
Град Скопје повеќе нема да го користи пајтонот кој се возеше низ централниот плоштад, а исто така на продажба ќе бидат ставени и набавените коњи липицанери како и додатната опрема.
Според образложението на град Скопје, немало голем интерес за изнајмување на градските пајтони и дека приходите од оваа активност воведена од претходната градска администрација не се доволни.
Пајтонот низ Скопје почна да вози во 2013 година. Откако беше набавен, Град Скопје секоја година издвојуваше по 40.000 евра од буџетот за негово одржување. За оваа атракција беа потрошени 14.000 евра, а дополнителни 18.000 евра се потрошија за набавка на двата липицанера кои беа купени од една приватна одгледувачница од Солун.