Добивај вести на Viber
Шпанската влада се дистанцира од скандалот со поранешниот шеф на Меѓународниот монетарен фонд (ММФ) Родриго Рато, кој е осомничен за финансиски измами и перење пари, пренесува "Ројтерс".
Запрашани за Рато, министри од кабинетот одговараат дека проверката сеуште тече и дека законот се почитува, без разлика дали станува збор за владејачката партија и соработници на премиерот.
Потсетуваме дека 66-годишниот Рато беше уапсен во неговиот дом во Мадрид од даночните власти во Шпанија.
Даночната полиција го претресе неговиот дом во текот на три часа. Малку подоцна Рато беше ослободен.
Тој веќе беше под истрага за измами уште додека ја вршеше функцијата извршен директор на шпанската банка "Банкиа".
Рато беше член на шпанската Народна партија и министер за финансии (1996-2004) во конзервативното управување на премиерот Хозе Марија Азнар, и водечка фигура.
66-годишниот Рато управуваше со ММФ во периодот 2004-2007 година, а стана директор на "Банкиа" во 2010 година, но поднесе оставка две години подоцна.
Во 2012 година поднесе документи за даночна амнестија.