Шпаркасе банка праќа македонски студенти на усовршување во Австрија

Добивај вести на Viber

Шпаркасе Банкa и по трет пат ја реализира програмата „Најдобрите од Југоистокот“ со која им овозможува на студентите од Македонија да го усовршат образованието на Универзитетот во Грац и да стекнуват меѓународно искуство во една од најреномираните финансиски групации во Европа, Штаермеркише Шпаркасе. На студенти од Економскиот, Правниот и Електротехничкиот факултет при Универзитетот „Св. Кирил и Методиј“ ќе им бидат доделени едногодишни стипенди и престој во Австрија. „’Најдобрите од Југоисток’ е механизам за размена на знаење и искуства помеѓу Македонија и ЕУ. Студените кои престојуваат во нашите банки во Австрија или на Универзитетот во Грац, стекнуваат непроценливо искуство и доградување на своето знаење, кои долгорочно гледано, ќе придонесат во развојот на финансискиот и банкарскиот сектор во Македонија“, изјави претстедателот на Управниот одбор на Шпаркасе Банка, Глигор Бишев. Деканите на Економскиот и Правниот факултет, Љубомир Дракуловски и Борче Давитковски, ја поздравија иницијативата на Шпаркасе банка оценувајќи ја како одлична можност за доедукација на студентите, но и можност за нивно идно вработување.