Добивај вести на Viber
Фронтменот на „Фершпед“ Штерјо Наков од петокот седи и во Управниот одбор на „Европа“. Имено, „Европа“ ја информираше берзата за промени во управувањето на компанијата, со два нови члена во УО на местото на два досегашни членови.
„Во врска со член 33 став 1 алинеја 10 од Правилата за котација, Акционерско друштво, фабрика за чоколади, вафли и бонбони ЕВРОПА-Скопје известува дека на седницата на Надзорниот одбор на друштвото одржана на 4 јуни 2015 година за членови на Управен одбор со мандат од 4 години се избрани Александра Младеноска и Штерјо Наков на местото на претходно отповиканите Менка Николоска и Стефан Станкоски.
Согласно член 34 став 1 алинеја 6 од Правилата за котација, АД ЕВРОПА Скопје известува дека новоизбраните членови на Управниот одбор - Александра Младеноска и Штерјо Наков , не поседуваат акции во друштвото“, соопштија од фабриката за чоколади.