ШТО ГИ ПРЕМИСЛИ: Независните пратеници ќе гласаат воздржано

Добивај вести на Viber

Осумте пратеници од независната пратеничка група на ВМРО ДПМНЕ и Коалицијата ќе гласаат воздржано за три амандмани на денешната седницата за усвојување на нацрт текстот на амандамните на Уставот. Велат дека нивната поддршка била врзана со процесот за помирување што им го ветил премиерот Заев.

Пратениците од опозицијата кои го овозможија отворањето на Уставот ќе гласаат воздржано за трите амандмани на Владата, најави на денешната собраниска седница пратеникот Зеќир Рамчиловиќ.

„Ние осум пратеници кои овозможивме отворање на Уставот со цел интеграција на Македонија во ЕУ и НАТО, ќе гласаме воздржано во поглед на треите амандмани со цел да оставиме простор за јавна дебата за предлози. Потврда дека сите треба да се вклучат во овој процес е прифаќање на нашиот амандман со кој се гарантира македонскиот идентитет“ – вели Рамчиловиќ.

Тече расправата во Собранието за Текстот на нацрт-амандманите. ВМРО-ДПМНЕ на почетокот побара точката да се повлече од дневниот ред затоа што предлогот, според координаторот на пратеничката група Никола Мицевски е противуставен, а референдумот беше неуспешен. Предлогот на опозициската партија со 61 глас против не беше прифатен од владејачкото мнозинство.

Пленарната седница може да трае 12 дена, бидејќи за секој амандман е предвидена дебата од три дена. Во оваа втора фаза за усвојување на амандманите е потребен 61 глас.