Што ќе прави СДСМ ако Иванов не му го додели мандатот на Заев?

Добивај вести на Viber

Лидерот на СДСМ Зоран Заев денеска побара претседателот Иванов да му го додели мандатот за формирање на нова влада.

Заев на пресот за новинари рече дека е убеден дека ќе обезбеди потребно мнизинство во Собранието и дека ќе успее да формира влада.

Заев го побара мандатот бидјеќи неговиот ривал и главен конкурент, Никола Груевски, за 20 дена не успеа да формира коалиција за нов владин кабинет со долгогодишниот партнер албанската Демократска унија за интеграција (ДУИ) на Али Ахмети.

Лидерот на партијата која е втора по број на добиени мандати на декемвриските парламентарни избори му порача на претседателот Иванов дека сите други опции, освен да му додели мандат, ќе значат „кршење на Уставот и злоупотреба на службената положба“.

Заев не одговори на прашањето како ќе реагира неговата партија ако не го добие мандатот, но наведе дека секогаш постои алтернативно решение и потсети на претходните протести на граѓаните, истакнувајќи дека е убеден дека Груевски „никогаш веќе нема да биде премиер“.

„Знаете дека секогаш постои решение. Не треба да губиме ни ден повеќе. Македонија ги очекува промените и тие ќе се случат во нашата земја и јас навистина апелирам господинот Иванов час поскоро да го додели мандатот. Само тоа е уставно и само тоа е очекувано. Постојат алтренативни решенија, не би сакал да ги коментирам заради тоа што секогаш има одговор на нешто коешто е непринципелно, не дај Боже незаконски или неуставно. Постојат решенија. Се изнаитрија граѓаните и видоа `се. Секој што се обиде во минатото да го крши Уставот да прави незаконски чекори, нешто што е надвор од нормала, веднаш има контрареакции и повторно се враќаат процесите во нормала“, рече Заев.

ЕУ очекува од Иванов да се консултира со партиите и што е можно поскоро да „одреди лидер кој ќе го трасира патот за нова, стабилна влада“.