Што мисли Најческа за прогресивниот данок и социјалната држава?

Добивај вести на Viber

Дебатата за можно воведување на прогресивен данок се повеќе се разгорува и тоа е добро за демократско општество бидејќи се слушаат различни ставови, мислења и анализи, кои потоа се надеваме дека ќе допрат и до властодршците пред да ги подготват евентуалните законски измени. Со свој став се јави и професорката Мирјана Најческа која смета дека прогресивниот данок е карактеристика на социјалните држави, па еве што мисли таа за негово спроведување во Република Македонија. 

„Ние сме уставно декларирани како социјална држава. Тоа значи дека државата има обврска да се грижи за сите оние кои немаат доволно можности за пристојна егзистенција. Тоа подразбира дека сите ние треба да издвојуваме соодветни средства за да има со што државата да ја исполни оваа обврска.

Прогресивниот данок е карактеристичен за секоја социјална држава, а рамниот вообичаено се поврзува со државите кои немаат такви аспирации. Прогресивниот данок се плаќа на годишните (вкупни) приходи.

Прогресивниот данок значи дека има категорија на луѓе кои плаќаат 0 данок и категорија луѓе кои плаќаат 60% данок.

Прогресивниот данкон е дел од систем во кој даноците на струја, вода, топлина исто така се прогресивни (по принцип на потреба и потрошувачка).

И секако значи дека нема 1600 луѓе кои седат со години дома и не работат а примаат плата затоа што некоја будала така мисли дека се обезбедува етнички мир“, вели професорката Најческа на социјалните медиуми.