ШТО МОЖЕ ДА СЕ ОЧЕКУВА: Задутре нова средба Димитров - Коѕијас
Објавено во: Македонија 10 Април, 2018
Mинистрите за надворешни работи на Македонија и Грција, Никола Димитров и Никос Коѕијас, в четврток ќе остварат работна средба во Охрид, соопштија од Министерството за надворешни работи.
Од Министерството објаснија дека посетата на Коѕијас е во рамки на континуираниот дијалог меѓу двајцата министри, во контекст на напорите за надминување на разликата околу името, како и генералното унапредување на односите помеѓу двете земји.
Ова е трета по ред средба за 20 дена на шефовите на македонската и грчката дипломатија. Коѕијас денеска ја започнува мини балканската турнеја, а на 12 април повторно ќе се сретне со македонскиот колега Никола Димитров, пишуваат грчките медиуми.Посредникот на ОН, Метју Нимиц им испрати писмо на Скопје и Атина во кое ги заокружува резултатите од преговорите во Виена, пренесе медиум кај јужниот сосед.
Како што објави грчка Алфа, Нимиц во писмото стои дека најголема пречка во ова фаза од преговорите се уставните измени.