Што очекуваат европратениците пред и по изборите во Македонија?
Објавено во: Македонија 25 Ноември, 2016
Европратениците Иво Вајгл, Едуард Кукан и Кнут Флекенштајн денеска во Скопје изјавија дека подготовките за предвремените парламентарни избори течат според планираното.
Тие очекуваат фер избори и се надеваат дека по изборите новата влада веднаш ќе се посвети на итните реформски приоритети и враќањето на земјата на евроатланскиот пат.
„Слушнавме дека помеѓу партиите има дух на соработка со кои би се избегнале инцидентите за време на кампањата и имаме добра причина да веруваме дека изборите на 11-ти декември ќе бидат фер и транспарентни и дека ова ќе значи нов почеток за Македонија. По изборите е важно резултатите да бидат признаени и да се продолжи со реформите кои беа дефинирани во Пржинскиот договор, со консензус од страна на сите политички партии“ - кажа Вајгл.
Флекенштајн се надева дека многу граѓани ќе излезат да гласаат на изборите. Според европратеникот Кукан, подготовките за изборите досега се добри.
„Новата влада потоа треба веднаш ќе започне со исполнување на Итните реформски приоритети, бидејќи ова е најдобриот начин да се потврди посветеноста кон евроинтеграциите и дека конечно вашата земја ќе започне да се движи кон оваа насока“ - изјави Кукан.
Тие ги охрабруваат партиите да овозможат граѓаните демократски на избори да ја покажат својата волја.
Даваат поддршка на работата на Специјалното јавно обвинителство.Тие денеска се сретнаа со специјалната јавна обвинителка, Катица Јанева со граѓански организации и претставници на политички партии. Европратениците разговараа со лидерите на СДСМ, Зоран Заев, ДПА, Мендух Тачи, ДУИ, Али Ахмети, а од ВМРО ДПМНЕ разговараа со Никола Попоски.
Можеби ќе ве интересира
ТРОЈЦА СЕ ВО БЕГСТВО, ШТЕКЛИ Е ВО ПРИТВОР, А ТОА СЕ БАРА ЗА УШТЕ ДЕВЕТМИНА - ова ги чека членовите на бандата кои продаваа дрога по нашите улици
„СО УСТАВОТ ДО КАДЕ СТЕ, АЛБАНИЈА ВЕЌЕ ОРГАНИЗИРА СВЕТСКИ НАСТАНИ“ - Златко Ориѓански со суптилна порака
ДОБРО ВИДЕТЕ КОЈ Е, ПРЕД НЕКОМУ ДА ОТВОРИТЕ ВРАТА - еве како напаѓал и крадел 26-годишен скопјанец
МНОГУ ТАЖНА ВЕСТ: Почина 17 годишното дете кое настрада од струен удар додека се снимало на вагон од цистерна
МВР ЗАСЕГА СО ДОЗИРАНИ ИНФОРМАЦИИ ЗА КРИМИНАЛНАТА ГРУПА ШТО ПРОДАВАЛА ДРОГА - ќе се поднесе кривична пријава против 14 лица
„ОВОЈ ПРАЗНИК ПОЧНА ДА СЕ СЛАВИ КАКО ДРЖАВЕН И НЕРАБОТЕН ВО ВРЕМЕ НА ВЛАДАТА КОЈА ЈА ПРЕДВОДЕВ“ - се огласи Никола Груевски
„НЕ КОНЗУМИРАЈТЕ АЛКОХОЛ, ПРВО МАЛКУ РАЗГОЛЕТЕ ГО ТЕЛОТО“ - неколку совети за оние што ќе скокаат по крстот
СОПСТВЕНИЧКА НА ПОЗНАТ БУТИК ЗА МОДА ОБЈАВИ ФОТОГРАФИИ - „За инает ми го изгореа дуќанот и два стана“
ВАКА ИЗГЛЕДА НОЌНОТО СКИЈАЊЕ ВО СКИ-ЦЕНТАРОТ МИХАЈЛОВО - градоначалникот Јанчев со покана до туристите
