Што порача Груевски од струмичко?

Добивај вести на Viber

Носителот на кандидатската листа во ИЕ 4, Никола Груевски денеска во струмичко порача дека имаат програма која е реална и издржана. 

Тој најави повеќе проекти пред струмичани.  Груевски рече дека нови 600 милиони евра се планирани за македонскиот земјоделец во наредните четири години.

„Предвидуваме нов затворен базен со ватерполо димензии за Струмица и струмичани, за младите луѓе. Во Струмица планира да изградиме и пречистителна станица за 54.000 жители за што ќе се инвестираат 7 милиони евра. Ќе се реконструираат и неколку патиштата, ќе се изгради и фекална канализација за Дабиле, Добрејци, Просениково. Ќе се набават 125 нови медицински апарати за болницата и здравствениот дом. Градбата на започнатата општа болница како што тече со добра динамика ќе продолжи да се гради и да се заврши, а ќе изградат и 41 стан за лица кои се од социјално ранливи категории“ - кажа Груевски.

Додаде дека се планира да се прошири и обнови постоечката каналска мрежа на хидросистемот Турија со што ќе се опфатат повеќе општини, освен Струмица, Василено, Босилово, Ново Село. Ќе се изгради и магистралниот гасовод, а Струмица ќе добие гас по цевковод.