Што претставува финансиска писменост?
Објавено во: Мои пари 24 Декември, 2024
Финансиската писменост е процес на учење и разбирање за парите, нивната функција и најважно како мудро да се користат. Финансиската писменост е важна животна вештина која овозможува информираност на лицата и соодветно носење на финансиски одлуки. Да се биде финансиски писмен значи да се избегнат грешки кои можат да донесат сериозни последици на поединецот, на домашниот буџет и претставува основа на знаење на кое можете да се потпрете.
Финансиската писменост вклучува запознавање со основните финансиски вештини како што се буџетирање, штедење, банкарство, управување со долг, инвестирање и многу повеќе. Оваа експертиза овозможува и разбирање на посложени теми како што се даноци, акции и планирање на пензионирање. На крајот, финансиската писменост ви овозможува да донесете подобри финансиски одлуки и да разберете како функционира финансискиот свет.
И поединците и организациите ја препознаваат важноста на финансиската писменост. Финансиски писмените поединци имаат тенденција да имаат повисоки приходи, повеќе заштеди и повеќе средства. Тие исто така имаат поголема контрола врз нивните финансии се посклони да ги анализираат своите избори. Од организациски аспект, оние кои се финансиски писмени имаат поголема веројатност да користат финансиски производи и подобро да ги искористат достапните финансиски услуги.
Финансиската писменост започнува во семејството. Родителите треба да ги учат своите деца на основите на личните финансии, како што се креирање и следење буџет, паметно трошење и одложување пари за народски кажано- „црни денови”. Финансиската писменост е особено важна за младите кои влегуваат во полнолетство. Студентите треба да се учат на основните вештини за управување со пари пред да преземат финансиска одговорност. Учењето за буџетирањето, инвестирањето и различните достапни финансиски производи ќе им помогне да донесат добри одлуки за нивната иднина.
Исто така, за возрасните клучно е да бидат информирани за економските прашања. Тоа значи читање весници, списанија и финансиски блогови, како и одење на часови или посетување на работилници за инвестирање, планирање имот и подготовка за даноци.
Финансиското образование треба да биде приоритет за секого, од деца на училишна возраст до возрасни од сите генерации. Тоа ќе помогне во максимално искористување на парите и создавање сигурна и стабилна финансиска состојба.
Проценете ја Вашата финансиска состојба за само 5 минути овде https://smart.eleving.com/mk/ПР објава
Можеби ќе ве интересира
НЛБ Банка ги замени корпоративните подароци со донација на храна за лицата во висок социјален ризик
Fashion Group: За љубовта, овие празници да биде двојно поголема!
Партнерски однос за економски развој: Стопанската комора и Фискалниот совет потпишаа договор за соработка
ДОМА е поубаво со новиот „Магнолија парк“ – донирани 80 зрели садници во градскиот парк
МАКЕДОНСКИТЕ МАЛИ И СРЕДНИ ПРЕТПРИЈАТИЈА ВЛЕГУВААТ СО УМЕРЕН ОПТИМИЗАМ ВО 2025
„Астра казино“ дел од празничната донаторска акција на Здружението на граѓани „Линк“
Новогодишна музичка претстава за деца „Трите самовили го бараат Дедо Мраз“ во „Литература.мк“ во „Дајмонд мол“
Квалитетот и традицијата спој кој трае повеќе од 101 година: Интервју со Анита Чакарова, Директор за контрола, квалитет и безбедност на храна во ПИ „Кристал 1923“
Храбри и прекрасни: Модна ревија на ЕЛЕНА ЛУКА посветена на жените кои се борат или се избориле со ракот
