17 Мај, 2022
0.0258

ШТО СЕ КРОИ ВО БРИСЕЛ ЗА БАЛКАНОТ - зона како замена за полноправно членство?

Објавено во: Македонија 27 Октомври, 2019

Македонските политичари се изјаснија, не скаат алтернатива за членство во ЕУ. Но, според медиумите, таков проект се подготвува во Брисел.

Целта е да се создаде еден економски регион од земјите од Западен Балкан, а би се нарекол Европска економска зона. 

Идејата била шесте држави на Западен Балкан - да имаат пристап до единствениот пазар на ЕУ, како Норвешка и Исланд. 

Со ова, на државите би им се понудиле финансиска помош, посебни аранжмани за пристап на европските пазари и други погодности, во замена за повлекување од полноправното членство.

За земјите што побрзо би ги спроведувале реформите, би биле одобрувани повеќе грантови и инвестиции, како еден вид награда за реформските процеси.

Тоа, еден вид специјално партнерство на унијата со овие земји, не би значело дека земјите нема да влезат во ЕУ, но тоа ќе се случи кога секоја земја ќе биде подготвена. 

Критериумите за тоа попрецизно би биле дефинирани на Самитот што ќе се одржи во мај идната година. 

Од кога датира оваа идеја, која може да се смета и како „нешто помеѓу“ полноправно членство и затворање на европските врати, нема информации. Она што се знае, е дека, барем според официјалните изјави, таа не е прифатлива за овдешните власти.

Властите во земјава велат децидно „не“ за сите вакви предлози. Вчера по тоа прашање прилично јасно се огласија и премиерот Зоран Заев, и претседателот Стево Пендаровски. 

На својот фејсбук профил премиерот Заев напиша дека земјава не прифаќа алтернативни решенија. 

„Нашата татковина припаѓа во ЕУ и затоа не прифаќаме никакви алтернативни решенија, како парнерства или посебни статуси. Сакаме во ЕУ затоа што сме европејци, работиме за тоа право и јас ве уверувам, ние ќе добиеме одлука за почеток на преговорите. Затоа што со ништо помалку ниту се согласуваме ниту прифаќаме. Ние припаѓаме на Европа и ги имаме истите права како и земјите членки на ЕУ и нема да го компезираме со друго право“, напиша премиерот Заев.

И шефот на државата беше прецизен. Пендаровски вчера го посети својот албански колега, Илир Мета, а на пресот беа едногласни дека за двете држави нема друга алтернатива освен членство во Европската унија. 

Пендаровски предложи и оддржување на вонреден самит, на кој ќе учествуваат земјите Западен Балкан, и на кој би се отфлиле сите алтернативи за евроинтеграцијата на регионот.

„Реално мислам дека и двете држави требаше да ги почнат пристапните преговори. Притоа ние потрошивме многу време на нашите европски пријатели, да ги убедиме дека не станува збор за давање на полноправно членство , туку станува збор само за почеток на еден процес кој сигурно ќе трае со години. Станува збор за многу долг процес во кој ќе има доволно време ние да ги имплементираме европските стандарди и принципи со помош на нашите европски пријатели и тоа е најдобриот начин за брзо правење на реформи“, рече шефот на македонската држава. 

Да не се прифаќаат алтернативи се согласија и сите први луѓе на партиите во земјава, на неодамнешната лидерска средба кај претседателот Пендаровски.

И лидерот на ВМРО-ДПМНЕ, Христијан Мицкоски, вчера рече дека отсекогаш цел на таа партија бил членство во Европската унија, а сега сите сме тажни поради неуспехот на земјава. 



Можеби ќе ве интересира

Утврдена делегацијата за Стратешкиот дијалог со САД

Утврдена делегацијата за Стратешкиот дијалог со САД

Го претепале својот дедо и му го оштетиле автомобилот

Го претепале својот дедо и му го оштетиле автомобилот

Момче вознемируваше лама во битолската зоолошка градина

Момче вознемируваше лама во битолската зоолошка градина

ВМРО-ДПМНЕ повика граѓаните на 18 јуни да излезат на улица затоа што Македонија доживува пораз на секое поле

ВМРО-ДПМНЕ повика граѓаните на 18 јуни да излезат на улица затоа што Македонија доживува пораз на секое поле

Пендаровски: Ја поддржувам одлуката на Шведска за влез во НАТО

Пендаровски: Ја поддржувам одлуката на Шведска за влез во НАТО

ВО ЧЕТВРТОК ВО БЕЛГРАД ЗАЕДНИЧКА ЛИТУРГИЈА НА МПЦ И СПЦ - патријархот Порфириј ги повикува верниците да присуствуваат во што поголем број

ВО ЧЕТВРТОК ВО БЕЛГРАД ЗАЕДНИЧКА ЛИТУРГИЈА НА МПЦ И СПЦ - патријархот Порфириј ги повикува верниците да присуствуваат во што поголем број

Има 83 заразени со коронавирусот и двајца починати

Има 83 заразени со коронавирусот и двајца починати

Истрага за градоначалникот на Петровец: Исплатил половина милион евра на фирми на брат му за фиктивни услуги

Истрага за градоначалникот на Петровец: Исплатил половина милион евра на фирми на брат му за фиктивни услуги

КАКВИ МОНСТРУМИ - за пари му дозволиле на Белгиец да ја силува нивната 13 годишна ќерка - ХОРОРОТ ТРАЕЛ ДОЛГО, СЕ ДО ВЧЕРА

КАКВИ МОНСТРУМИ - за пари му дозволиле на Белгиец да ја силува нивната 13 годишна ќерка - ХОРОРОТ ТРАЕЛ ДОЛГО, СЕ ДО ВЧЕРА