Што се случува во авионите: Патник претепал стујардеса, авионот принудно слетал!
Објавено во: Балкан 01 Април, 2015
Авион на компанијата „EasyJet“ морал принудно да слета на римскиот аеродром бидејќи еден патник ја претепал стујардесата бидејќи предолго го чекал својот сендвич!
Авионот летал од Женева за Приштина, а целата драма почнала кога изнервираниот патник почнал да се дере на цел глас.
„Умирам од глад, сендвичот го чекам со саати!“
Еден од очевидците ја прераскажал оваа невероватна сцена:
„Прво и се дереше на стујардесата, а потоа ја удри. Кога жената падна на подот, манијакот не престана да се дере, и продолжи да ја тепа“.
Останатите патници застанале во одбрана на немоќната жена, а пилотот одлучил да го спушти авионот во Рим поради безбедносни причини.
Стујардесата покасно ја искажала својата верзија за дневникот „20минути“.
„Бев во шок. Неможам да поверувам дека некој може така да реагира поради сендвич“.
Италијанската полиција веднаш по слетувањето го уапсила манијакот, а на стујардесата и била пружена лекарска помош на аеродромот.
„EasyJet “ го потврди нападот, а останатите 180 патници се пренесени до Приштина по други линии.