Што содржи португалскиот предлог?

Добивај вести на Viber

Во португалскиот предлог за спорот со Бугарија се вклучени очекувањата на двете страни. 

Ова го тврди премиерот Зоран Заев. Но, тој нема детали за страната на Бугарија односно за Софија како го разгледува предметот.

„Но, според мене мислам дека португалското претседателство, португалскиот министер Агуста Силва заедно со неговиот тим воделе грижа за двете страни за да бидат вклопени очекувањата, кај нас рековме дека тоа е добра база, појдовна основа за решение, ние го дискутираме сериозно и веќе се одржаа неколку состаноци и ќе продолжат секако во текот на оваа седмица да се одржуваат, исто така гледам дека и во бугарската страна имајќи ја во предвид резолуцијата освоена во нивниот парламент, ставовите на бугарската страна тие го имаат сето тоа што е важно соодветно и алоцирано, дали е во договор за асоцијација и стабилизација, дали е во роуд мап или патната карта којашто претставува обврска на двете страни во идното позабрзано реализирање на договорот за пријателство и добрососедство и соработка помеѓу Северна Македонија и Бугарија или без разлика дали се работи за прашања коишто ниту еден народ не ги разговарал така и ние тоа е нашиот македонски јазик и македонскиот идентитет се секако строго заштитени но истовремено ја има опфатено и бугарската страна тоа е реалноста за постоењето на македонскиот јазик и македонскиот идентитет и секако си имаат свое право како што тоа го регулираат согласно нивните документи или резолуции да остане прашање за коешто и понатаму може да се разговара. Заради тоа што во неколку наврати јас до сега реков а и многу други наши високи политички личности дека очекуваме час поскоро Бугарија да го признае и официјално македонскиот јазик и македонскиот идентитет така да имаме еден важен документ јас сум многу позитивно изненаден заради тоа што една земја членка којашто е буквално на другата јужна страна од европскиот континент, не е толку блиску до Балканот е толку детално упатена, навлезена, креативна, инвентивна за да се изнајде решение затоа рековме дека секојпат е можно да се изнајде решение ако има добра волја од двете страни“, истакна Заев.

Верува дека во Рим македонскиот и бугарскиот претседател ќе изнајдат некаков исчекор во надминување на проблемот кој како што потенцира дефинитивно ја кочи не само нашата туку и европската интеграција на целиот Западен Балкан. Сепак бугарската страна не беше воодушевена од овој предлог и остана на тврдите ставови. Тие бараат гаранции. Велат дека не сакаат нивните национални интереси да бидат загрозени.  Македонската страна кажа дека тоа е добра основа за надминување на спорот.