ШТО ТРЕБА ДА ЗНААТ СРБИТЕ КОИ ОДАТ ЗА ГРЦИЈА: За влез во Северна Македонија пасош не ви треба, но овој документ е неопходен

Добивај вести на Viber

Еве што пишува српски Курир за патувањето на српските граѓани низ Македонија, кога одат на пат за Грција.

Секој што планира да го помине својот годишен одмор во Грција, доколку патува со сопствен автомобил, треба да знае дека ако поминува низ Северна Македонија, правилото за зелен картон се уште важи. Затоа, најдобро би било да ја обезбедите оваа хартија пред да ги спакувате куферите.

Поседувањето зелена осигурителна карта е задолжително при влез на територијата на Русија, Белорусија, Украина, Молдавија, Турција, Израел, Иран, Албанија, Тунис и Мароко.

Исто така, српските граѓани можат да влезат во Северна Македонија со пасош или биометриска лична карта, додека за Грција е потребен пасош.

Помеѓу Србија и Северна Македонија постои договор за социјално осигурување, кој го регулира прашањето за користење здравствена заштита за време на привремениот престој на патниците и туристите во Северна Македонија, без да се наплаќа за услугите. Под овие услуги се подразбираат само итни здравствени интервенции, а се советува да се плати приватно здравствено осигурување пред да се патува во Грција, дури и во најмали износи.

Ако имате зелен картон, имате обезбедено покритие за штети и повреди што може да ги предизвикате со вашето возило во странство. Може да се купи само во осигурителна компанија каде што е осигурано самото возило, велат од АМСС.

За издавање зелен картон потребна ви е само полиса за задолжително осигурување од автоодговорност и возачка дозвола. Овој документ, како што е објаснето, е поврзан со полисата за задолжително осигурување и мора да го содржи бројот на полисата на која важи. Цената за зелениот картон е речиси секаде иста и во просек изнесува 2.000 динари, покажуваат податоците на АМСС.