Добивај вести на Viber
Лекарите и денеска излегоа на штрајк против моделот за плаќање по учинок, но наместо во кругот на своите работни места, голем дел од нив се собраа пред Министерството за здравство, за како што велат да му покажат на ресорниот министер дека штрајкот постои и станува помасовен.
„Денеска ја сменивме локацијата бидејќи не бевме добро видливи и дојдовме тука за да бидеме подобро видени. Се наоѓаме на оваа страна од улицата, на страната на вистината, науката, здравството и на страната на пациентите. Од другата страна, како што гледате, нема никој“, истакна д-р Дејан Ставриќ, претседател на Самостојниот синдикат на клинички центар.
Паралелно со штрајкот од Клинички центар во Скопје, штрајкуваат и клиничките болници од Битола, Штип и Тетово, а од пред извесно време на протестот му се приклучиле и лекарите од Куманово.