Штрајкот продолжува, тужби за директорите што крателе лекарски плати!

Добивај вести на Viber

Двајца директори, од Клиниката за радиологија и од Клиниката за дерматовенерологија ќе добијат тужби бидејќи незаконски им исплатиле скратени плати на лекарите коишто штрајкуваат повеќе од еден мецец, без притоа да дадат соодветно образложение како ги направиле пресметките, изјавија од Самостојниот синдикат на Клиничкиот центар. „Во тек се тужби кои денеска ќе бидат поднесени до надлежните институции и до судовите против работодавачите, односно менаџерите и директорите на клиниките каде што тие плати се бесправно исплатени. На овие клиники се прекршени повеќе закони така што би требало тоа да има брза судска разврска“, изјави д-р Дејан Ставриќ, претседател на Самостојниот синдикат. Останатите клиники сè уште немаат дадено плата за месец ноември, иако вообичаено платата на клиника се дава најдоцна до 10-ти во месецот. Синдикатот во меѓувреме ги собира и останатите податоци од здравствените клиники надвор од Скопје, по што најавува и можност за нови тужби доколку се забележат неправилности во платите на лекарите кои штрајкуват. Платите доцнат, не само за штрајкувачите, туку и за останатите здравствени работници, посочуваат лекарите. Во меѓувреме, трае преписката меѓу синдикатот и Министерството за здравство.Од Министерството согласно американскиот модел биле понудени корекции на моделот за плаќање по учинок, а кои од лекарите велат дека дополнително ќе бидат разгледани. Тие остануваат на својот став, штрајкот на лекарите продолжува се додека не се дојде до договор.