Добивај вести на Viber
Вработените во прилепската фабрика и загубар „Еурокомпозит“ денеска со штрајк ги побараа заостанатите плати и решавање на статусот на фирмата со 390 вработени.
„Бараме една половина за септември и октомвриската плата за која раководството најавува дека нема пари да ја исплати. Освен тоа со години се споменува приватизацијата и продажбата, но ништо не е направено. Ситуацијата е тешка“, вели Бранко Чатлески, претседател на синдикалната организација на „Еурокомпозит“.
Директорот на фабриката Никола Лучески објасни дека имаат ненаплатени побарувања од странство, а најавено е претворање на обврските спрема државата во траен влог, односно во текот на идната недела треба да се трансформираат 68 милиони денари.
Лучески исто така вели дека тендерот за продажба на „Еурокомпозит“ треба да се објави до крајот на месецов, а заинтересирани биле фирми од Холандија, Англија, САД и Бугарија.