Шуга во скопско училиште, постои ли страв од епидемија?
Објавено во: Македонија 28 Март, 2018
Паника меѓу родителите откако се појави информација дека во основното училиште „Владо Тасевски“ во Козле има шуга.
На социјалните мрежи лавина од коментари за случајот, родителите никој не ги известил за заболувањето.
-Шуга во училиштето „Владо Тасевски“. Јас како мајка, дознавам од друга мајка, дека моето дете е во опасност. Зарем не е должна управата нас да не извести?
Курир пишува дека МОН ја потврдува веста.
-Станува збор за две дечиња кои се од исто семејство. По пријавување на случајот, веднаш екипа на Центарот за јавно здравје излезе на терен и направи проверка кај децата од тие одделенија. Констатирано е дека освен кај овие две деца, други случаи нема. Во училиштето е направена целосна дезинфекција, изјави за КУРИР портпаролот на МОН, Владимир Делов.