Швајцарија и ЕУ потпишаа договор за намалување на банкарската тајна
Објавено во: Економија 28 Мај, 2015
Европската унија и Швајцарија потпишаа важен договор, кој ќе стави крај на банкарска тајна за жителите на ЕУ и ќе ја спречи можноста за депонирање на непријавените средства во швајцарските банки.
Швајцарија, која беше изложена на притисок од страна на Европската унија и САД, се согласи да потпише договор за автоматска банкарска размена на податоци, со што ќе се заврши долгата традиција на швајцарската банкарска тајна.
Според договорот ЕУ и Швајцарија ќе разменат автоматски информации за банкарските сметки, чувани од соодветните нивни државјани, вклучувајќи и за имателите на бизнис сметки.
Европскиот економски комесар Пјер Московичи, кој исто така е одговорен за прашањата на оданочување, изјавил по церемонијата на потпишување, дека овој договор е уште еден удар против лицата обвинети за затајување на даноци и уште еден скок кон праведно оданочување во Европа.
„Швајцарија се согласи да се изврши големо чистење на домот“, изјавил од своја страна Жак де Ватевил - швајцарскиот државен секретар за меѓународните финансиски прашања. Тој исто така изразил надеж дека документот ќе ги израмни односите со ЕУ.
Оваа нова транспарентност треба да ја подобри не само способноста на земјите-членки да ги пронајде и да се справат со лицата што избегнуваат плаќање данок, но таа исто така треба да делува како пречка фактор против затајувањето на приходи и средства во странство со цел избегнување на даноци, истакнал Московичи.
Документот ќе стапи во сила во 2018 година, но пред тоа швајцарскиот парламент треба да го ратификува и не е исклучено властите во Швајцарија потоа да го подложат на референдум.