ШВЕДСКА: Социјалниот живот во полн ек, експертите најавуваат катастрофа

Добивај вести на Viber

Шведска и понатаму останува без драстични мерки кои влијаат на секојдневниот живот. Улиците, кафулињата, трговските центри се преполни со луѓе, за разлика од останатите европски земји кои наметнаа цврста блокада и изолација.

Фотографиите на Јанерик Хенриксон, наликуваат како да се направени лани, а не пред два дена. Во главниот град на Шведска, Стокхолм, животот тече сосема нормално, како и пред епидемијата. Шведска е последната голема европска држава каде се уште нормално функционираат училиштата.

Единствени мерки кои ги воведоа шведските власти се затворањето на универзитетите и средните училишта, постои забрана за јавни собирања над 50 луѓе, и ограничување на бројот на луѓето во угостителските објекти. Шведска ја практикува политиката на колективен имунитет, но експертите предвидуваат дека е можна катастрофа. Професорот Том Бритон од Универзитетот во Стокхолм изјави дека болеста е толку заразна што може да се очекува дека до крајот на април да биде заразено половина од населението во Шведска. Крајно време е повозрасните да останат дома, предупреди Бритон.