Силен земјотрес помести цел остров
Објавено во: Балкан 29 Октомври, 2018
Силен земјотрес деновиве помести грчки остров.
Закинтос се поместил за повеќе од три сантиметри кон југозапад по силниот земјотрес од 6,4 степени кој ја стресе Грција пред три дена.
Поместувањето е претежно воочено на хоризонтално ниво додека верикално поместување не е регистрирано.
„Тоа е заклучено врз основа на дигитална обработка и анализи на снимки од сателитот на ЕУ и ЕСА Сентинел-1 на сервисот Коперникус “– изјави за грчката агенција АНА директорот на секторот за истражување на Институтот за геодинамика во Атинската национална опсерваторија, Атанасиос Ганас.
Вели дека научниците сега анализираат дали земјотресот предизвикал поместувања и во други области.
Во силниот земјотрес имаше и повредени луѓе, а следеа и многу секундарни потреси потоа.Предизвикани беа и материјални штети. Имаше испукани патишта, а многу домаќинства останаа без струја.
фото Википедија