„Сименс“ ќе го гради најголемиот висечки мост во Турција

Добивај вести на Viber

Компанијата Сименс ќе биде главен изведувач на проектот за изградба на четвртиот по должина висечки мост во светот. Оваа компанија ќе биде одговорна за разработката, монтажата и воведувањето во експлоатација на сите компоненти и системи за контрола на сообраќајот. Мостот ќе биде со шест ленти и е дел од проектот за автопат што ќе ги поврзува градовите Истанбул и Измир, во западна Турција, соопштија од Сименс, пренесува БТА. Клиент во проектот е јапонската компанија IHI Инфраструктурни системи Ко. Договорот што ќе го реализира Сименс е во вредност од околу 17 милијарди евра.Планирано е мостот да почне да се користи во 2015 година. Изградбата на мостот и 420-километарскиот автопат меѓу Истанбул и Измир е дел од најголемиот автопатски проект во Турција до денеска. Новиот мост ќе го намали времето за патување меѓу двата града од осум на четири часа. Новиот автопат ќе го релаксира сообраќајот во централниот дел на Истанбул, пренасочувајќи го кон предградијата на градот.