„Систем на семафор“ - вака ќе работат училиштата во Црна Гора
Објавено во: Балкан, Корона Вирус 29 Септември, 2020
Министерството за образование на Црна Гора објави модел според кој започнува работата на училиштата и градинките, а кој ќе биде предмет на измени според „системот на семафори“.
Овој модел го разви Институтот за јавно здравје.
„Систем на семафори“ значи дека ситуацијата во одредена општина ќе одреди дали училиштата во тие општини ќе преминат на работа преку онлајн или ќе функционираат нормално, беше објавено од тој оддел.
Претставникот на ИЈЗ Драган Лаушевиќ вели дека имале интензивни консултации, обидувајќи се да осигурат дека децата одат на училиште, имајќи ја предвид епидемиолошката состојба.
„Веруваме дека престојот во училиштата според дефинираниот модел е епидемиолошки побезбеден во моментот отколку на игралиштата“, рече Лаушевиќ, објави порталот РТЦГ.
Тој додаде дека во наредните денови ќе се следи состојбата во општините според т.н. „Систем на семафори“ и во наредните денови, затворањето и отворањето на училиштата ќе зависи од тој предвидлив и професионално заснован модел на ИЈЗ.
Сите градинки почнуваат со работа на 1 октомври.