Системи за наводнување, мрежи за спас од град – земјоделците први на удар од климатските промени

Добивај вести на Viber

Земјоделството и понатаму ќе биде прво на удар од климатските промени, негативното влијание во земјава веќе се чувствува, а најзагрозени се важните региони и стратегиските култури, изјави денеска  министерот за земјоделство, шумарство и водостопанство Љупчо Димовски. Во екот на есенската кампања на „Караванот за климатски промени“ кој денеска беше во Свети Николе, министерот забележа дека проценките за економските штети се загрижувачки, поради што службите  ќе работат на креирање соодветни политики и мерки за прилагодување и спас на оваа важна стопанска гранка во земјава. „Зајакнувањето на капацитетите ќе ја вклучи и Агенцијата за поттикнување на развојот на земјоделството во насока на обезбедување совети за подобри земјоделски пракси и пристап до подобри информации за одгледување високо приносни култури, како и обезбедување совети за одржување на приносите во услови на екстремни температурни или други негативни влијанија, а секако и Управата за хидрометеоролошки работи за обезбедување навремени и прецизни податоци за прогнозрирање на температурата и врнежите“, рече миистерот. Индивидуалните земјоделци мора да се едуцираат за ефектите од климатските промени истакна директорот на мисијата на УСАИД, Џејмс Стејн. Едукацијата ќе се спроведува и во рамки на Караванот, каде земјоделски експертите ќе одговараат за одредени проблеми со кои се соочуваат земјоделците, ќе се прават стратегии и планови за прилагодување кон климатските проемени. Земјава, рече Стејн, е под влијание на потопла и посува клима, а со тоа е и повеќе подложна на појава на топлотни бранови, суши, поплави и град. притоа на земјоделците од овој реон им прпорачаа да инвстираат во заштитни мрежи за спас од град и надворешни влијанија, но и да се вложува во системот „капка по капка“. Вчера Димовски, беше и на чистењето на калалите во прилепско, каде исто така укажа на влијанието на климатските промени и последиците од нив, во прв ред поплавите со кои изминатиот период се соочуваа повеќе реони во земјава.