СИТЕ ОЧИ ДЕНЕС И УТРЕ ВПЕРЕНИ ВО ЊУЈОРК: Нова рунда разговори за името
Објавено во: Македонија 24 Мај, 2018
Њујорк денеска ќе биде местото каде ќе се одржи нова рунда преговори за името меѓу македонскиот и грчки министер за надворешни работи Никола Димитров и Никос Коѕијас заедно со посредникот Метју Нимиц.
Од владата како што соопштија остануваат на ставот за предлогот „Илинденска Република Македонија“ додека Коѕијас во пресрет на денешната нова рунда разговори бара Македонија да покаже прагматизам и реализам за решение.
Коѕијас кажал дека има силна војла за решение, но дека ниту е оптимист, ниту песимист.
И Грчките опозициски партии се јавија со критики до Владата за прашањето за името
„Република Илинденска Македонија“ е симбол и олицетворение на иредентизмот според грчките опозициски партии Нова демократија и Демократската коалиција.
Лидерите на овие две партии, Кирјакос Мицотакис и Фофи Генимата, при расправата во грчкиот Парламент посветена на економијата, го споменаа и прашањето за името и упатија остри критики до грчката Влада, јави дописничката на МИА од Атина.
Алексис Ципрас, вчера одговарајќи на критиките упатени од лидерот на опозициската Нова демократија во врска со името „Република Илинденска Македонија“, рече дека Грција преговара врз база на четирите имиња предложени од ОН, конкретно пакетот предлози од Нимиц.