Добивај вести на Viber
Повеќето млади во Македонија по дипломирањето првото работно место го гледаат во јавната администрација, а само десеттина проценти се обидуваат да почнат свој бизнис, вели министерот за економија Ваљон Сарачини, според кого овој тренд мора да се менува и младите да се охрабрат своите идеи да ги преточат во бизнис планови.
За можностите од Програмата за поддршка на претпримништвото, со која се предвидува помош од 5.000 евра за нов бизнис, Сарачини денеска говореше пред студентите на Универзитетот на ЈИЕ во Скопје.
„Доколку се прашувате дали овие средства се доволни ќе ве упатам на податокот дека во САД 85 отсто од најуспешните компании почнале да работат со помалку од 5.000 евра“, посочи министерот за економија.
Рокот за аплицирање со бизнис идеи истекува на 25 овој месец. Лани, биле наградени четири бизнис идеи на база на кои се отворени фирми и се вработени повеќе лица. Годинава министерот очекува поголем интерес, како и поддршка од универзитетите за студентите во изготвување на бизнис плановите.