Сите се кренаа на нозе против Центарот за македонски јазик во Грција
Објавено во: Македонија 20 Февруари, 2023
10 грчки партии, здруженија и обвинителот бараат укинување на Центарот за македонски јазик.
Вкупно 10 постапки се водат во грчкиот суд против Центарот за македонски јазик во Грција, дознава „Фокус“. Станува збор за барања или поплаки поднесени до судот од трети страни, во кои се бара регистрацијата на граѓанското здружение да биде укината. Освен овие барања поднесени од трети страни, и обвинителот на Лерин покрена постапка за укинување на регистрацијата во која се повикува на Преспанскиот договор и на толкувањето дека македонскиот јазик постои само во границите на Република Северна Македонија.
Златна зора во декември минатата година протестираше во Лерин против отворањето на новиот Центар за македонски јазик.