Скок на акциите на Дојче Банка после оставките на двајца директори

Добивај вести на Viber

Акциите на германската Дојче банка во текот на утринското тргување на Фрнкфуртската берза скокнаа за речиси 8,0 одсто, само ден откако два извршни директори си поднесоа оставки, во моментов кога банката е соочена со низа скандали и неисполнување на целите на профитот. Акциите на Дојче банка утрово скокна за 7,91 одсто на 29,80 евра, пренесува франс прес.

Против најголемата германска банка во моментов се водат околу 6000 пoстапки, а минатиот месец е казнета со рекордни 2,5 милијарди долари поради учеството во скандал поврзан со манипулации на каматните стапки.

Двајца извршни директори на Дојче банка, Аншу Јаин (52) и Јирген Фичен (66) соопштиле вчера дека поднесуваат оставки на своите функции, при што Јаин ќе си замине од Дојче банка кон крајот на јуни , а Фичен ќе остане до мај 2016 кога се одржува годишниот состанок на акционерите на Дојче банка.

Тие двајца од 2012 година се наоѓаат на тие позиции, а нивните договори требаше да истечат во март 2017 година, се наведува во соопштението на таа банка.

Членот на надзорниот одбор на Дојче банка, Џон Крајан (54) би требало во јули да ги замени нив двајца и да стане единствен извршен директор откако Фичен ќе си замине од функцијата.