Слаба реализација на капиталните инвестиции

Добивај вести на Viber

Намалена е инвестициската активност поради падот на реализацијата на капиталните инвестиции. Сепак, министерот за финасии Зоран Ставрески  тврди дека тие ќе се реализираат до крајот на годинава. Најновите податоци на Народната банка, пак, регистрираат пад и кај државните инвестиции. “Согледувањата за инвестициската активност се засноваат врз високиот годишен пад на државните инвестиции„ стои во извештајот на НБРМ. Инаку, досегашниот процент на реализација, заклучно со месец јули изнесува 41,1 процент.  По квартали, бројките кои ги обелодени народна банка покажуваат дека во првиот квартал остварени се капитални инвестиции во висина од 68,5 милиони евра, а додека во вториот квартал реализирани се инвестиции од околу 60,4 милиони евра. За целата оваа 2012 - та година планирани се пари за капитални инвестиции во вредност од 348 милиони евра, додека првично со буџетот за годинава пред ребалансот беа планирани 440 милиони евра за капитални инвестиции.  Иако реализцаијата на државните инвестиции се одвива бавно, министерот за финасии, Зоран Ставрески очекува резултати како минатогодишните. “Очекувам дека до крајот на годината, динамиката на реализиција ќе биде еднаква или над нивото од претходните години. Засега е солидна динамиката и очекуваме буџетските корсиници дека успешно ќе ги искористат средстава кои што стојат на располагање„ изјави министерот за финасии, Зоран Ставрески. Инаку, и минатата година Владата не успеа целосно да ги реализира предвидените капитални инвестиции. Само околу 85% од планираното беше остварено. Минатата година најголем дел од парите предвидени за капитални инвестиции завршија за проектот „Скопје 2014“, набавката на украинско - кинеските автобуси. Исто така, во 2011 година помалку пари од државната каса се потрошија за изградба на инфраструктурни проекти и за енергетски капацитети.