Словачка: За ЕУ и Русија е поевтино транзитот на гас преку Украина да продолжи
Објавено во: Економија 17 Јуни, 2015
И за ЕУ и за Русија е поевтино транзитот на гас преку Украина да продолжи, коментира словачкиот министер за надворешни работи Мирослав Лајчак, цитиран од руското издание „Ведомости“.
„Се разбира, затоа е потребно да има договор меѓу Русија, Украина и Европската унија“, додал уште дипломатот.
Во случај додека „Турски поток“ биде изграден, Братислава нуди реализацијата на проектот „Eastring“ кој може да ги поврзе цевките на гасоводот со гасната мрежа на Словачка. На овој начин природниот гас од Русија ќе може да се насочи кон Централна Европа и така да бидат гарантирани испораките за Стариот континент.
„Турски поток“ сепак е едноставен План Б за Словачка, беше јасно уште од зборовите на Лајчак. „План А е транзитот да продолжи“, додал тој.
Плановите на „Гаспром“ се по 2019 година да прекине транзитот преку Украина со образложение за безбедноста на снабдувањето со природен гас. Во исто време компанијата има долгорочни договори со европски држави кои добиваат гас само преку Украина.
Повеќе недели и анализи на руска консултантска компанија покажаа дека до 2020 година Русија нема да може да ја заобиколи Украина, за да ги исполни обврските кон своите клиенти.