СЛОВЕНЕЧКИ ТУРИСТИ ПО ЦЕЛО ТЕЛО СЕ ИСКАСАНИ ОД ИНСЕКТИ: Лекарка се сомнева дека е песочна мушичка која пренесува лишманиоза

Добивај вести на Viber

Група словенечки туристи забележале необични дамки на нивните тела додека престојувале во кампот Муртер на малиот остров во Јадранското Море меѓу Задар и Шибеник. Иако некои веднаш помислиле дека се работи за бубачки, матичната лекарка на една од жените кои ги испратиле фотографиите на словенечки 24ur.com се сомнева дека виновникот може да биде песочна мушичка која пренесува лишманиоза.

Загрижените словенечки туристи од Муртер ги споделија своите искуства во група на Фејсбук, каде објавија бројнио фотографии. Според нив, дамките кои се појавиле не само што се шират и отекуваат, туку и страшно печат и неверојатно чешаат.

Еден од членовите на групата рекол дека уште од првиот ден нешто го мачи во изнајмената приколка. Отпрвин мислеле дека се работи за бубачки, па постелнината ја испрале темелно, ја третирале со пареа и користеле разни средства за заштита од инсекти. Но, ништо од тоа не помогнало, бидејќи каснувањата не стивнувале, напротив, како што пишуваат, ги имало се повеќе, па дамките почнале да се шират.

Семејството морале да побара помош во блиската болница каде им препишале антибиотици и антихистаминици и купиле крема која требало да помогне.

Imamo tukaj mogoče zdravnika, ki bi znal prepoznati te pike. Dogaja se v kampu na otoku Murter in imamo več primerov. Piki bolijo, pečejo in srbijo, pri zdravniku so dobili antibiotik, antihistaminik in injekcijo. Nekateri omenjajo peščeno muho. pic.twitter.com/4TM2YQteaP

— Avtokampi.si (@Avtokampi) August 12, 2024

„Во четвртокот и пишав на докторката, таа беше единствената што рече дека можеби е „песочна мушичка““, напиша таа, но објасни дека дијагнозата не е потврдена, дека засега се само шпекулации.

„Го завршивме одморот и се вративме дома“

Слични дамки добиле и уште неколку туристи во околината. Дури ни репелентите не помогнаа. Бидејќи ситуацијата била неподнослива, и тие предвреме го завршиле одморот.

„Поминав дел од ноќта во итната медицинска помош, примајќи интравенски лекови. Дамките болат, чешаат, горат. Ментално и физички сум исцрпена", напишала една Словенка и објаснила како дошла до заклучок дека единственото решение е да се враќаат дома, иако им било тешко бидејќи се на долгоочекуваниот и платен одмор.

Жената раскажала и како само еднаш почувствувала печење и забележала мала проѕирна „мушичка“ која и излетала од ногата.

Во коментар се огласија уште неколку туристи кои имаат слични искуства. „Утре одам повторно на лекар, закажуваме тест за лишманиоза“, вели еден соговорник на словенечкиот портал.