СЛУЧАЈ НА БАЛКАНОТ: Намерно се заразуваат за полесно да патуваат по прележувањето
Објавено во: Балкан, Корона Вирус 12 Април, 2021
Словенечки епидемиолог предупреди на опасна практика на намерно заразување со коронавирусoт.
Епидемиологот и шефица на советничката група за пандемија Матеја Логар денеска изјави дека е забележано дека во земјата има се повеќе луѓе кои сакаат намерно да се заразат со коронавирусот со цел полесно да се движат и патуваат, поради фактот што се смета дека оние кои го преживеале вирусот имаат ист имунитет каков што се стекнува со вакцинација.
„Сè уште не знаеме многу за оваа болест. Непредвидлива е и може да има трајни последици. Не знаеме точно какви долгорочни последици има оваа болест, особено кај помладите пациенти“, рече Логар.
Вели дека оние кои го прележуваат коронавирусот на ваков начин, сакаат да бидат избришани од списокот на лицата кои не мора да се тестираат при преминување на граница.
foto freepik