Добивај вести на Viber
По сомневањата дека декемвриските сметки за струја им се нереално зголемени, граѓаните во Србија нашле докази дека броилата им биле лошо прочитани, објавува РТС. Две сметки имало со милионски износи.
Сепак, од ЕПС снабдување повторуваат дека системски грешки во пресметките нема.
Бесните граѓани повторно чекаат на шалтерите на електродистрибуција. Со декемвриските сметки ги приложуваат и состојбите на броилата, кои сами ги прочитале, со цел да ја докажат очигледната грешка - киловати потрошени до денес, односно 20 дена подоцна, се уште не ги достигнале оние кои се на декемвриските сметки.
Граѓаните велат дека сами ги воочиле грешките така што на ивните броила ги читале киловатите евтина и скапа струја кои не се поклопуваат со пресметаните киловати, а кај некои погрешиле за 1000 киловати.
Дистрибуција чита струјомери во три и пол милиони домаќинства, и како што велат оттаму, можни се пропусти. Тврдат дека спорните сметки со рекламација брзо се решаваат.
Има и екстремни случаи, каде грешката се воочува на прв поглед. Едно нишко домаќинство со мала потрошувачка, добило да плати речиси 1.700.000 динари, а на друго, исто така од Ниш, му стигнало сметка поголема од 1.900.000 динари.
А.А.