СН ОСИГУРИТЕЛЕН БРОКЕР доби одобрение да издаде прва емисија на корпоративни обврзници од 80 милиони денари
Објавено во: Финансии 27 Јули, 2021
Комисијата за хартии од вредност донела Решение со кое на СН ОСИГУРИТЕЛЕН БРОКЕР АД Битола му е дадено одобрение да издаде прва емисија на корпоративни обврзници по пат на јавна понуда.
За ова Комисијата преку соопштение ја извести јавноста.
Како што објаснуваат од КХВ, станува збор за 8.000 долгорочни должнички хартии од вредност со вкупна продажна вредност од 80.000.000 денари, која е еднаква со номиналната вредност на емисијата.
Обврзниците ќе се понудат преку Македонската берза по моделот фиксна цена, со давање приоритет на налози со порано време на внес на налогот. Оттука, поединечната продажна цена на обврзниците е фиксна и изнесува 10.000 денари.
Каматната стапка на долгорочните должнички хартии од вредност за целиот период е фиксна и ќе изнесува 6 отсто на годишно ниво. Пресметката и исплатата ќе се врши еднаш годишно, сметано од денот на упис на обврзниците во Централниот депозитар за хартии од вредност.
Првата исплата на камата ќе започне по истекот на 12 месеци од денот на уписот, а ќе заврши по истекот на 5 години. Согласно Законот за хартии од вредност, менаџментот утврдил процентот на успешност на јавната понуда да изнесува над 60 отсто од вкупната емисија.
Емисијата на обврзници на СН ОСИГУРИТЕЛЕН БРОКЕР АД Битола се врши заради подобрување на финансискиот потенцијал на Друштвото и остварување на планираните цели и стратегии за негов раст и развој.
На седницата што се одржала на 23 јули, КХВ, како што соопштуваат, согласно Законот за инвестициски фондови, на ДУИФ Иново Статус АД Скопје и на извршните членови на Одборот на директори им изрекла јавна опомена, и истовремено со Решение ги задолжила да ги отстранат утврдените неправилности.
„Имено, друштвото во целост го нема усогласено работењето со важечката регулатива за спречување перење пари и финансирање тероризам. Дополнително, спротивно на Законот за инвестициски фондови, Иново Статус АД Скопје не ги има ажурирано документите на отворениот инвестициски фонд“, велат од КХВ.
Од Комисијата за хартии од вредност исто така информираат и дека поради спроведена постапка на присоединување на Друштвото за управување со инвестициски фондови Илирика Фунд Менаџмент АД Скопје кон Генерали Инвестментс АД Скопје, КХВ дала согласност на измените на Статутите согласно кои се променија називите на три отворени инвестициски фондови и тоа на: ИЛИРИКА ЈУГОИСТОЧНА ЕВРОПА (нов назив ГЕНЕРАЛИ ЈУГОИСТОЧНА ЕВРОПА), ИЛИРИКА КЕШ ФОНД (нов назив ГЕНЕРАЛИ КЕШ ФОНД) и ИЛИРИКА ГЛОБАЛ-РАСТЕЧКИ ПАЗАРИ (нов назив ГЕНЕРАЛИ ГЛОБАЛ-РАСТЕЧКИ ПАЗАРИ).
Заради усогласување со новите измени на Законот за инвестициски фондови, КХВ донела три подзаконски акти и ги ставила на јавна расправа на веб страницата во времетраење од 30 дена со цел заинтересираните страни да ги дадат своите забелешки и сугестии. Станува збор за:
- Предлог Правилник за содржината, формата и начинот на доставување на информации за припојувањето и спојувањето до сопствениците на удели;
- Предлог Правилник за формата и содржината на барањето за добивање одобрение за организирање на отворен инвестициски фонд и
-Предлог Правилник за формата и содржината на Проспектот на отворен и затворен инвестициски фонд.
Можеби ќе ве интересира
ЗА 100 ИНВЕСТИРАНИ МНОГУ БРЗО ДОБИВАТЕ 10.000 евра: Криптовалутите станаа најбезбедна инвестиција, а пазарот покажува раст на цените
Генерали Инвестментс: Централните банки ги држат пазарите на капитал во неизвесност
„ВО ХРВАТСКА СЕ СЀ НАПЛАЌА, ДУРИ И ТУШОТ НА ПЛАЖА“: Сместувањето рипна на 90 евра од ноќевање, сезоната се уште не е започната, а многумина предвидуваат пропаст
ГОТОВО Е: Познат е датумот кога ќе заврши „копањето“ на биткоин
ОСНОВНАТА КАМАТА ОСТАНУВА ВИСОКА ДО СМИРУВАЊЕ НА ИНФЛАЦИЈАТА - Народна банка: „нивото сѐ уште е над историскиот просек“
„БЕЗ ТРАНСПАРЕНТНОСТ И ОТЧЕТ СЕ ТРОШАТ ОКОЛУ 10 МИЛИОНИ ЕВРА ЗА НАБАВКИ ВО УЧИЛИШТАТА СО ПАРИ ОД РОДИТЕЛИТЕ“: Истражување на Центарот за граѓански комуникации
СО ВАКВА ЗАРАБОТКА САМО НЕБОТО Е ГРАНИЦА: Еве како работеше Белград на вода во 2023 година
ДОБРО РАЗГЛЕДАЈТЕ ГИ МОНЕТИТЕ ОД ДВЕ ЕВРА ШТО ГИ ИМАТЕ ДОМА: Можеби имате вредна паричка од пет илјади евра, а тоа не го знаете
ВО ИНТЕРВЈУ ЗА ЈУТАРЊИ, ЖИВКО МУКАЕТОВ ОТКРИВА: „Во Хрватска се отвара уште една фирма, за деловните активности на ‚Алкалоид' во Европа“
