Снег ќе има и во наредните денови, некаде до 20 сантиметри

Добивај вести на Viber

Иако според календарот веќе сме во пролет, денеска врнеше снег низ поголемиот дел од територијата на Македонија. Дирекцијата за хидрометеоролошки работи соопшти дека најголем дел од снегот паднал на Маврово - 11 сантиметри. Привремени врнежи од снег се очекуваат и во наредните два дена.

Најмногу снег има во Пожаране каде снежната покривка е девет сантиметри, во Лазарополе осум, во Тетово пет, во Крива Паланка четири, во Куманово и Ѓуриште три и во Крушево и Берово два сантиметри.

Минималните температури во некои градови паднаа под нулата. Најстудено беше во Маврово каде се мереа - 6 степени, додека под нула температурата беше и во Лазарополе, Крушево, Крива Паланка, Скопје, Куманово, Тетово, Штип и Берово.

Облачно, студено и ветровито со претежно снежно време ќе биде во текот на целиот ден. Се очекуваат поголеми врнежи од дожд во источните делови. Ќе дува засилен северен ветер низ Вардар. Максималната температура ќе биде во интервал од 0 до 5 степени.

Во Скопје, делумно е облачно со умерен снег и со умерен до засилен северен ветер. Максималната температура ќе достигне само три степени.

Снегот во утринските часови го отежна и патниот сообраќај, кој во моментот се одвива епречено, но на влажни коловози. АМСМ информира дека има врнежи од дожд на Стража, Пресека, Маврово, Попова Шапка, Плетвар, и на граничниот премин Деве Баир. Видливоста на граничниот премин Деве Баир се намали од 20 на 50 метри.

Привремени врнежи од снег ќе има утре и среда. Највисоки врнежи од снег ќе има во источниот дел на државата каде се очекува снежната покривка да надмине 20 сантиметри. Во другите региони постои можност за снежна покривка, главно околу пет сантиметри, освен на планините каде се очекува поголема снежна покривка.

Облачното време ќе биде присутно до сабота, но врнежите поради затоплување ќе бидат главно од дожд.