СНЕМУВА ХРАНА: Какви мерки презема Приштина за северот на Косово?
Објавено во: Балкан 26 Јуни, 2019
Приштина презема акции на северот на Косово, вели косовскиот премиер Рамуш Харадинај.
Тој соопшти дека Приштина презела конкретни акции за спречување на „сите прекугранични незаконски активности“ на северот на Косово и Метохија.
Ова се случува на еден ден откако заканата со хуманитарна криза на северот на Косово поради недостигот од основни животни продукти го нарече „планирано сценарио“.
Тој не прецизираше за какви акции на Приштина станува збор, но наведе дека надлежните институции „презеле конкретни акции за спречување и борба против сите нелегални прекугранични активности во областа на зелениот појас на границата на Косово и Србија на северот“.
Харадинај на Твитер напиша дека „никакви лажни сценарија или лажни вести“ нема да ги спречат приштинските власти да го спроведат владеењето на правото во сите делови на Косово.
Жителите на четирите општини на северот на Косово се соочуваат со недостиг од основни животни производи. Околу 400 сопственици на дуќани и на продавници со прехранбени производи планираат да ги затворат продажните објекти, затоа што неколку дена не им пристигнуваат млеко и млечни производи, масло за јадење, шеќер и сол, пишуваат српските медиуми.