Снежана Лупевска-Созен сменета од прв човек на информативна редакција на Телма
Објавено во: Македонија 10 Јануари, 2020 17:09
Снежана Лупевска-Созен повеќе нема да ја извршува неформалната функција одговорен уредник на информативната програма на телевизијата Телма.
Според сознанијата на Фактор, на оваа позиција доаѓа Марија Дивитарова - Савановиќ, сегашна уредничка на вести во телевизијата.
Информацијата за Фактор ја потврди и главниот и одговорен уредник и директор на телевизија Телма, Атанас Кировски.
Тој вели дека Снежана Лупевска-Созен и досега не била одговорен уреднк на информативната програма, туку тој ја вршел и таа функција, а Созен според систематизацијата на телевизијата е вработена како продуцент. Лупевска и натаму ќе остане продуцент, вели Кировски, а нема да и биде сменета ниту платата. Таа ќе продолжи да работи и на емисиите „Код“ и „Топ тема“, а ќе биде и уредник на вести.
„Едноставно, Снежана Лупевска-Созен досега беше мојот линк со новинарите во информативната редакција, отсега натаму тој линк ќе биде Марија Дивитарова-Савановиќ. Инаку, јас и досега бев одговорен уредник на информативната програма, и така и останува, така што во тој дел нема никакви промени во телевизијата“, вели Кировски за Фактор.
Кировски нагласува дека причина за ова воопшто не се никакви политички притисоци или разлики околу уредувачката политика на телевизијата.
„Едноставно, станува збор за наши несогласувања околу тоа кој треба да ги пишува најавите за прилозите што се емитуваат на вестите. Јас сметав дека тоа е најдобро да го прават новинарите, бидејќи тие најдобро знаат што е суштината на нивната сторија, а таа сметаше дека тоа треба да го прават уредниците на вести. Околу тоа и изби недоразбирањето, кое потоа ескалираше и затоа беше донесена оваа одлука“, вели Кировски.
А Лупевска на својот фејсбук профил денеска го објави следниов пост.
„Успешен е оној човек кој умее да постави цврст темел од циглите кои другите ги фрлале на него. Дејвид Бринкли“.
Можеби ќе ве интересира
Филипче: Ова е доказ дека нашите членови веруваат во исправноста на политиките кои ги водиме
ЦЕЛОСНО ЗАТВОРЕН ПАТОТ СТРУГА - ЌАФАСАН: снегот го отежна патувањето низ Македонија, задолжително понесете зимска опрема
ЗАТВОРЕНИ ГЛАСАЧКИТЕ КУТИИ ВО СДСМ - Филипче останува на кормилото на најголемата опозициска партија
„И ВО ОВИЕ БОЛНИ МИГОВИ, НЕКОЈ УСПЕА ДА ГО ПОДЕЛИ НАРОДОТ“: без марш, само собир и почит кон настраданите - организаторите бараат правда за сите
„ТРЕБА ДА ИМ ЗАБРНАТ И ПЕШКИ ДА ОДАТ, А НЕ КОЛА ДА ВОЗАТ“ - остри критики по апсењето на возачи во високо ниво на алкохол во крвта
СНЕГОТ ГИ ЗАВЕА ПЛАНИНСКИТЕ ПРЕМИНИ: воведена забрана за тешки товарни возила на неколку патишта
„ВНИМАНИЕ! НОВА ЕДНОНАСОЧНА УЛИЦА!“: граѓани споделуваат важни информации за сите возачи за промени во центарот на Скопје
СПАСЕН ЗАЛУТАН ПЛАНИНАР НА ПЛАНИНАТА КОЖУФ - ноќта ја поминал на отворено, но поради влошените услови загубил ориентација
МВР ТРАГА ПО СИНОТ НА ПОРАНЕШНИОТ ГРАДОНАЧАЛНИК НА ДОЛНЕНИ - објавената снимка од пукањето предизвика голем револт меѓу граѓаните
