Добивај вести на Viber
Започна реализацијата на проектот за обуки и тренинзи и изнаоѓање на поврзаноста помеѓу туризмот и останатите индустриски гранки, во организација на Секторот за туризам и угостителство при Министерството за економија и Организацијата за индустриски развој на Обединетите нации (УНИДО).
Станува забор за прв и единствен проект од ваков вид во државата, кој е обезбеден преку Словенечкиот билатерален проект за техничка помош од каде се одобрени 220.000 евра за период од 2 години, средства кои ќе ги менаџира УНИДО.
„Обуки ќе има и за вработените во државната администрација, кои се одговорни за развојот на туризмот, како што се Секторот за туризам во Министерството за економија, како и Агенцијата за промоција и поддршка на туризмот. Обуки се планирани и за вработените во локалните самоуправи, чии општини имаат капацитет за развој на туризмот, како и за туристичките стопанственици, кои се најдиректно инволвирани во работењето на туристичкиот сектор“, изјави министерот за економија Ваљон Сарачини.
Целта на проектот е да се зголеми квалитетот и конкурентноста на туристичката понудата, но и да се прошири понудата во секторот туризам преку спа центри, велнес центри и рурален туризам.