Со донации од граѓаните и турска помош – Македонија доби Детски ургентен центар

Добивај вести на Viber

Благодарение на донациите од македонските граѓани, а со поддршка на Турската меѓународна агенција за соработка и развој-ТИКА, Македонија го доби првиот специјализиран Детски ургентен центар. Сместен во кругот на Универзитетската клиника за детски болести во Скопје, освен што објектот е целосно преуреден, доби и најсовремена медицинска апаратура. Според  сопругата на претседателот на Република Македонија, Маја Иванова која беше покровител на донаторска кампања „Да помогнеме навреме“,  новиот ургентен центар ќе помогне за итните случаи за кои најнеопходна помош. Секој има обврска да даде свој личен придонес, додаде таа,  за активности кои се однесуваат на општото добро. „Таквите активности се тие кои не облагородуваат, не оплеменуваат, кои не прават хумани и ги истакнуваат нашите доблести и вредности“, истакна Иванова. Министерот за здравство Никола Тодоров, додаде дека Детската клиника мора да биде целосно опремена да одговори на сите најсовремени предизвици во медицината. Посочи и дека министерството направило доста инвестици како промена на прозорците, проекти за енергетска ефикасност подобрено сместување на децата и тоалети во секоја соба во вредност од над 100 милиони денари. За директорката на Клиниката, Аспазија Софијанова ова е големо достигнување кое почнало како скромна иницијатива. Мехмет Суреја Ер, пак потпретседател на Турската меѓународна агенција за соработка и развој-ТИКА, појасни дека работите за адаптација и реконструкција кои се одвивале од нивна страна биле комплетирани за само два месеци. „Сето тоа е подарок на Република Турција за Република Македонија“, додаде тој. Новиот Детски ургентен центар има четири главни и два дополнителни кревети, шест простории за специјалистички амбуланти,  лабораторија и чекална. Дополнителните донации, надлежните најавије дека  ќе се искористат за доопремување на Ургентниот центар и за новите амбуланти.