Со хепенинг за унитарна и заедничка Македонија
Објавено во: Македонија 25 Март, 2017
Во Градскиот парк во Скопје денеска се одржа хепенинг организиран од граѓанската иницијатива „За заедничка Македонија“.
Тие уште еднаш испратија пораки за унитарна Македонија. Меѓу учесниците имаше ликовни уметници, а најмладите преку цртежи ја искажаа љубовта кон татковината.
Учесниците на хепенингот велат дека точките од Тиранската платформа нема да поминат.
Скоро месец дека се одржуваат маршеви и други активности против прифаќање на платформата на албанските партии.
Освен во Скопје, активности имаше и во над дваесет градови низ Македонија.