06 Декември, 2025
0.0285

Со книгата „Италијанската литература и култура...“ студентите ќе откријат нова димензија на барокот, просветителството и неокласицизмот

Објавено во: Мои пари 30 Октомври, 2025 12:24

Добивај вести на Viber

Поттикнати од потребата да се збогати наставата по италијанска книжевност со дело што на едно место ќе ги обедини најзначајните италијански автори и изданија од 17 до почетокот на 19 век, професорките од Филолошкиот факултет при Универзитетот „Гоце Делчев“ – Штип, проф. д-р Ева Ѓорѓиевска и проф. д-р Јована Караникиќ-Јосимовска, го создадоа делото „Италијанската литература и култура на барокот, просветителството и неокласицизмот“. Книгата, во издание на „Арс Ламина“, беше промовирана вчеравечер (29 октомври) во книжарницата „Литература.мк“ во „Дајмонд мол“.

Настанот се одржа во рамките на Неделата на италијанскиот јазик во светот, а по тој повод, пред присутните се обрати заменик-шефот на мисијата на Амбасадата на Италија во Република Северна Македонија, Морено Ѕела.


Кон значењето на оваа книга и нејзиното објавување се осврнаа промоторката проф. д-р Анастасија Ѓурчинова и уредничката Цветанка Стоилова.  Тие истакнаа дека делото ги запознава читателите со творештвото и достигнувањата на најистакнатите претставници на италијанскиот барок, просветителство и неокласицизам, нагласувајќи ги нивните идеи и придобивки врз понатамошниот развој на науката и културата на глобално ниво. Теоретскиот дел е поткрепен со извадоци од нивните дела, а паралелно со книжевните вредности, книгата нуди и преглед на значајни уметнички остварувања од областа на музиката, скулптурата, архитектурата и сликарството.

-Создавањето на оваа книга е непосредно поврзано со нашата педагошка дејност во изминатите петнаесет години, во кои се фокусиравме на темите што го следат културниот и уметничкиот развој на европските народи од 13 до 18 век. Материјалот за книгата се менуваше низ годините, пристигнуваа нови изданија и осврти, кои ги класифициравме во историски, филозофски, уметнички и книжевни досиеја. Делото е составено од текстови со различна провениенција – од извадоци за судењето на Галилеј до записи за театарските изведби на Барбиери. Нашата цел беше да создадеме книга за Италија која ќе биде читлива, јасна и разбирлива, еднакво корисна за студентите и за пошироката јавност. Таа е резултат на долготраен процес на процена, селекција и собирање еклектичен материјал – изјави проф. д-р Ева Ѓорѓиевска.

Делото ги претставува специфичностите на италијанската литература и култура од 17 до почетокот на 19 век, нудејќи поширок увид во пресвртната точка на цивилизацискиот развој од тој период.


– Во овој период се менува целосната визија за светот – геоцентричната теорија е заменета со хелиоцентричната, а пронајдоците овозможуваат подобро разбирање на местото на човекот во универзумот. Емпирискиот метод на Галилеј произлегува токму од тоа време, а овие откритија стануваат темел на современата наука и технологија. Авторите прикажани во книгата ги достигнуваат овие сознанија преку синтеза на теологијата, математиката и астрономијата, а во своите дела тоа го претставуваат со исклучителни реторички вештини. Фасцинантен е начинот на кој Галилеј се брани од осудата на Црквата, обединувајќи ја верата и науката за да продолжи со истражувањата. Поезијата, пак, го следи духот на времето – таа е општествено ангажирана и ги слави новите пронајдоци и новата визија за светот. Во уметноста се надминува ренесансната хармонија и се експериментира со понагласени форми, бои, сенки и светлина. За жал, овој период е неправедно запоставен во наставните програми, за разлика од хуманизмот и ренесансата. Дополнително, во последните години и самиот термин „барок“ кај нас стекна неоправдано негативна конотација. Целта на нашето дело е да придонесеме кон надминување на тие недоразбирања и да ги доближиме културните и уметничките вредности на оваа епоха до пошироката македонска јавност – изјави проф. д-р Јована Караникиќ-Јосимовска.

Книгата е достапна во поголемите книжарници, како и онлајн преку www.literatura.mk.

ПР објава


* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:

Можеби ќе ве интересира

Пакомак најави отворање на нов погон за секундарно селектирање на отпадот, каков што нема никаде на Балканот

Пакомак најави отворање на нов погон за секундарно селектирање на отпадот, каков што нема никаде на Балканот

СЕТЕК BLUE DECEMBER: ЖЕЛБИТЕ БЛЕСКААТ ВО СИНО

СЕТЕК BLUE DECEMBER: ЖЕЛБИТЕ БЛЕСКААТ ВО СИНО

Халкбанк со донација на компјутерска опрема ја зајакнува дигиталната настава во ДУЦОР „Партенија Зографски“

Халкбанк со донација на компјутерска опрема ја зајакнува дигиталната настава во ДУЦОР „Партенија Зографски“

Стопанска банка финансиски ќе поддржи нови 16 инклузивни проекти како дел од седмото издание на „Сонуваме.Менуваме“

Стопанска банка финансиски ќе поддржи нови 16 инклузивни проекти како дел од седмото издание на „Сонуваме.Менуваме“

ВИДЕОЛОТАРИЈА КАСИНОС АВСТРИЈА – ПОДДРЖУВАЧ НА КУЛТУРАТА: ШЕХЕРЕЗАДА ВО МОБ

ВИДЕОЛОТАРИЈА КАСИНОС АВСТРИЈА – ПОДДРЖУВАЧ НА КУЛТУРАТА: ШЕХЕРЕЗАДА ВО МОБ

Каде ќе бидеш ти кога ќе се решава најинтензивната F1 сезона досега?

Каде ќе бидеш ти кога ќе се решава најинтензивната F1 сезона досега?

Постепено месечно вложување: најлесен начин да ги остварите вашите цели

Постепено месечно вложување: најлесен начин да ги остварите вашите цели

Business for Business форум 2025 - Комерцијална банка ги спои иновациите со успешните бизнис приказни

Business for Business форум 2025 - Комерцијална банка ги спои иновациите со успешните бизнис приказни

АмЧам избра нови членови во Одборот на Директори и го прослави 25 годишниот јубилеј

АмЧам избра нови членови во Одборот на Директори и го прослави 25 годишниот јубилеј