Со колку пари располагаат партиите обезбедени од донации?

Добивај вести на Viber

Од партиите во ДИК најмногу донации пријавил Социјалдемократскиот сојуз на Македонија. 

Тоа се 9,5 милиони денари, плус приходи од членарина во износ од 23 милиони денари. По нив следува ВМРО-ДПМНЕ со пријавени донации од 7,4 милиони денари, а потоа е Демократската унија за интеграција со вкупни донации од скоро 7 милиони денари и трансфер од редовна сметка во вредност од 1 милион денари. Најмалку донации од четирите најголеми политички партии има ДПА со 602.000 денари.

Коалицијата ВМРО за Македонија, од три донации има 1.843.500 денари. 

Коалицијата за промени и правда  има приходи од 1.448.300 денари, од кои донации се 948.300 денари, а 500.000 се други приходи. 

Сите политички партии го испочитуваа законскиот рок за доставување на финансиски извештај за првиот дел од кампањата. До полноќ, коалициите и партиите кои се дел од предвремените парламентарни избори, доставиле документација за приходите и расходите до средината на предизборната кампања. Извештаите се јавно објавени на интернет страницата на Државната изборна комисија. Објавено е колку  пари и за што потрошиле  партиите.