Со неисправен автобус возеле ученици на екскурзија на Попова Шапка
Објавено во: Македонија 11 Јануари, 2022
Ученици од Прилеп се возеле со технички неисправен автобус до Попова Шапка.
На улица „Маршал Тито“ во Тетово, вчера околу 14:30 часот, полициски службеници на СВР Тетово-Полициска станица за безбедност на патниот сообраќај Тетово запреле автобус со прилепски регистарски ознаки, кој превезувал ученици од Прилеп на екскурзија на Попова Шапка. Кај автобусот, кој веднаш е испратен на технички преглед, констатирани се технички неисправности, по што бил исклучен од сообраќај. Од полицијата информираат дека против возачот на автобусот, правното и неговото одговорно лице ќе бидат изготвени соодветни поднесоци. Автобусот нема да се користи до отстранување на техничките недостатоци.
Во ноември лани во Бугарија, се запали македонски автобус, при што загинаа 45 луѓе. Оттогаш има засилени контроли во државава.