„Со нетрпение очекувам да работиме со претседателката на забрзување на реформите“: Вархеји со честитка, еве што му одговори таа
Објавено во: Македонија 09 Мај, 2024
Еврокомесарот за проширување и соседска политика Оливер Вархеји и ја честиташе победата на Гордана Силјановска Давкова на вчерашните претседателски избори.
- Честитки за новата претседателка на Северна Македонија! Со нетрпение очекувам да работиме со претседателката Гордана Сиљановска Давкова на забрзување на потребните реформи за да се придвижи напред процесот на пристапни преговори, наведе Вархеји во честитката на „Твитер“.
Congratulations to the new President of North Macedonia!
— Oliver Varhelyi (@OliverVarhelyi) May 8, 2024
Looking forward to working President Gordana Siljanovska-Davkova to speed up the necessary reforms to move forward in the accession negotiation process.@gogamkd
Секако Сиљановска Давкова не остана имуна и му одговори на Вархеји прво заблагодарувајќи се на честитката, а воедно изрази подготвеност за соработка во остварување на „најважниот македонски стратешки проект“.
- Ви благодарам многу, господине комесар Оливер Вархеји! Како еден од основачите на Европското движење во Македонија и поранешна Југославија, со нетрпение очекувам да работам со Европската комисија за го завршиме најважниот македонски стратешки проект, истакна Сиљановска Давкова.