СО ПИШТОЛ САКАЛ ДА РАСЧИСТУВА ВИНА ОД СООБРАЌАЈНА НЕСРЕЌА, учесниците се степале, по што двајца повредени биле пренесени на Ургентен центар

Добивај вести на Viber

Во попладневните часови во текот на вчерашниот ден по сообраќајна несреќа во близина на Скопје, еден од учесниците извадил пиштол, во меѓусебната пресметка има двајца повредени, еден од тепачка, еден од пиштол. 

- На 10.09.2022 во 16.00 часот во СВР Скопје Б.Ј.(38) од Скопје пријавил дека на ул.„Алија Авдовиќ“, во близина на црквата, имало пукање и повредено лице од огнено оружје. Полициски службеници на местото констатирале дека околу 15.45 часот, по претходна сообраќајна незгода на истата локација помеѓу патничко возило „фолксваген туаран”, управувано од пријавителот и патничко возило „сеат алтеа”, управувано од Б.К.(20) од Скопје, двете со скопски регистарски ознаки, настанала вербална расправија при што дошло до физички напад. Притоа, Б.Ј.(34), кој според пријавеното бил сопственик на возилото „сеат”, извадил пиштол, кој при обид да му биде одземен испукал, при што во ногата бил повреден Б.Ј., брат на пријавителот. Тој заедно со С.Ј., роднина на пријавителот, кој се здобил со повреда при физичкиот напад, биле пренесени во Ургентен центар за укажување на медицинска помош - посочуваат од МВР. 

Известен е Јавен обвинител, распишана е централна потерница за пронаоѓање на сторителот и се работи на расчистување на случајот.