Со задоволство Ви го најавуваме комплексот Гранд Скопје – Златен Спонзор на Првата конференција за недвижности во Македонија

Добивај вести на Viber

Гранд Скопје и МГ Фешн ја препознаа иницијативата на Фортонмка за организација на Првата конференција за недвижности во Македонија.

Како Златен Спонзор Гранд Скопје ја поддржува идејата за едукација, споделување на искуства и успешни приказни, вмрежување и промовирање на квалитетни проекти.

Позициониран во строгиот центар на градот, комплексот Гранд Скопје има за цел да ја трансформира локацијата во главна градска артерија со што ќе ја редефинира урбаната слика на центарот, ќе го заживее градскиот дух и ќе прерасне во ново обележје на градот. Комплекс со мешана намена и објекти кои се карактеризираат со високо квалитетна архитектура, со архитектонски израз кој ќе остави впечатлив белег и ќе ја надополни силуетата на градот Скопје, Гранд Скопје нуди одлична средина за софистицираните вкусови на остроумните жители и напредните компании, кои се во потрага по современ простор, со услуги на дофат и локација со модерна инфраструктура.

„Првата конференција за недвижности е ретка можност за исклучителнапромоција на веќе етаблираниот бренд Гранд Скопје, но и претставување на севкупната визија на МГ Фешн за урбано домување по светски стандарди. Покрај промоцијата, ни претставува задоволство што ќе добиеме можност за вмрежување со други компании од индустријата и ќе можеме детално да ги претставиме придобивките од ваквите станбено-деловни комплекси за градот и граѓаните. Нашиот тим на професионалци ќе биде присутен на конференцијата и во панел дискусиите кои ќе послужат како дополнителна платформа за промоција на Гранд Скопје како вистински избор за сите оние кои сакаат да ја започнат својата приказна на свој начин во новиот центар на Скопје.“