Собраниска седница за уставни измени в сабота!?
Објавено во: Македонија 09 Октомври, 2018
Гласањето за отворање расправа по уставните измени во рамките на преспанскиот договор би можело да се случи в сабота во Собранието на РМ, според информациите кои ги има Дојче Веле.
Пратениците денеска ќе го добијат „Предлогот за пристапување кон измена на Уставот на Република Македонија со насоки за изменување и дополнување на Уставот“, кој Владата вчера го достави до Собранието.
Засега нема конкретна информација дека постои двотретинско мнозинство за „да се отклучат“ уставните измени и се е во доменот на гласините.
Иако се шпекулира дека такво мнозинство е обезбедено, тоа за првпат ќе се види на пленарна седница, која, според неофицијални информации, може да биде закажана во сабота, откако предлогот најпрво ќе биде разгледан во Комисија за уставни прашања.