Сојата и пченицата најскапи, кафето најевтино во 2012-та
Објавено во: Агробизнис 02 Јануари, 2013
Сојата и пченицата, во текот на 2012 година достигнаа највисоки цени на светските пазари. За разлика од нив најголем пад на цената има кај кафето од сортата „арабика“, кое поевтине за 37 проценти, како и кај сокот од портокал, чија цена падна за 31%.
Инаку за оваа година се предвидува посиромашна жетва на пченица во САД. Иако последниот ден од минатата година цената на пченицата падна на нивото од речиси половина година, на берзата во Чикаго на 7,78 долари по бушел, а во Париз на 330 по тон, сепак и на двата пазари за дванаесет месеци има остварено добивка. Во Чикаго добивката на годишно ниво е зголемена за 19 %, додека во Париз за 27%.
