Сојот од Колумбија е откриен во Грција
Објавено во: Балкан, Корона Вирус 02 Септември, 2021
Сојот на коронавирусот кој се појави во Колумбија е откриен во Грција.
Кај јужниот сосед потврдени се шест случаи на варијантата Му, а доминира делта сојот.
Светската здравствена организација завчера соопшти дека го следи конкретниот нов сој, јави дописничката на МИА од Атина. Од шесте случаи на варијантата Му, според официјалните податоци од Националната организација за јавно здравје на Грција, четири се увезени, а поконкретно два се откриени во областа Арголида и на атинскиот аеродром и по еден во центарот на Атина и областа Ахаија. Мутацијата Му првпат е откриена во Колумбија во јануари, а подоцна и во други земји од Латинска Америка и Европа.
foto unspash.com